梅子工場 (已結業)

之前係觀塘做嘢成日都會嚟呢度食嘢，身為貓奴，可以見下貓貓們都會好開心，不過自從無係觀塘返工就少咗嚟。今次星期六得閒，又睇到梅子facebook寫收養咗幾隻新既貓貓，就上嚟見下佢地又順便食個lunch。咁耐無嚟，裝修都靚咗好多，多咗好多枱，地方又闊落咗，而貓貓們仍然都係咁welcome客人。貓貓瞓著咗～我同朋友兩個都叫咗蛋包飯，咖喱味好香濃，芝士同咖喱配搭得好好，而咖喱汁既分量都非常之多，每啖飯都可以配到好多咖喱汁，令飯一啲都唔乾。梅子既食物質素真係keep住都好好，而價錢都好合理，如果係貓奴嚟到除咗食嘢仲見到貓貓們會更加開心添！