古朴年代咖啡．酒館 (已結業)

星期二晚放工，同Mr Mo黎到位於大圍積福街嘅古朴年代咖啡．酒館 !平時多數沙田、大埔食，偶爾到大圍試新嘢都唔錯 估唔到呢間cafe平日都幾多人，證明旺場有捧場客 !好彩我地有book檯，眼見有walk in客都冇位坐 !Cafe 樓底好高，簡直可以分到兩層!裝潢好有特色，好有氣氛! 感覺上係工廠風  + 英國懷舊風，同Cafe名 "古朴年代" 呼應 !檯面上有樽水方便食客添水，盛水容器係紅酒樽，出水口都好特別 !飲品本來想order沙冰，點知當晚沙冰機壞左，有點失望 !荔枝紅茶 $30有少少荔枝香氣，飲落有荔枝香甜味!見到侍應花心思將飲管扭扭才上檯 意大利傳統薄餅 $82 (regular size)pizza餅底好薄好脆 ! 蕃茄配合個醬汁好惹味 每人食2塊剛剛好!燒帶子墨汁意粉 $88有4粒大帶子，份量足! 帶子冇雪藏味，入口爽甜 墨魚汁好香，食到一咀烏卒卒 !意粉好煙韌做到al dente  香草蕃茄海鮮扁意粉 $94個汁好開胃，海鮮材料豐富 !意粉又係好煙韌做到al dente overall, 古朴年代咖啡．酒館係一間有情調、有氣氛嘅Cafe ! 意粉味道出色