雪人圓 (已搬遷) 新店位置

今日夜晚同朋友黎到呢間疏乎厘pancake店度食甜品，好難得香港有好似韓國咁嘅cafe係又賣衫同埋食甜品飲咖啡嘅店。佢呢度設最底消費每人要叫一款甜品或者飲料。我地叫左一份朱古力pancake，有3塊pancake，朱古力味好足夠，然後pancake又好香蛋味，口感都唔錯。然後呢份係雪凍左嘅冰pancake，食落似雪芭，幾新奇，而且珍珠好香黑糖味同埋煙韌。另外叫左兩杯水果味嘅茶都好飲（百香果綠茶同埋蘋果紅茶）百香果個個係用真正水果嘅，兩杯味道都夠濃。