2/3 Dolci (已結業)

諗唔到食咩，剛好經過見有cake set $75，一件自選蛋糕，蛋糕凍櫃有好多款式，顏色吸引又精美，還有飲品選擇算多，有齊咖啡、幾款茶類及朱古力等等。Apple Cinnamon Cake，好精緻的蘋果裝飾，一看就知蘋果口味的蛋糕，除了有青蘋果慕絲，還有肉桂蘋果餡。橫切面睇落都吸引，薄脆朱古力不但脆身不膩，甜度中和青蘋果慕絲既酸，質感滑身輕盈，酸酸甜甜好清新，只係餅底用乾硬的朱古力蛋糕，易散開又乾，雖然有點果仁，但也不夾慕絲。另外，肉桂蘋果只有一小粒果肉，味道不夠香。1/3 Dolci Chocolate (large)，泡沫豐盈，朱古力又香又滑，味道濃郁但不杰身，甜度不高且唔膩。原本cake set要加$4，要大size就加$8，都幾抵飲。總括，個set都抵食，而且食完都飽。服務有禮貌，說明食物清楚易明，位置雖然在一角，但有陽光射入，幾岩下午茶慢慢嘆下。