影片
更多
2021-09-18
213 瀏覽
Captain出街～真的好興奮～～🎼小狗依個宅男, 有得出街, 真係好興奮～見到route99終於都開左，即刻去朝聖😍life is short spoil your dog, 所以小狗大哂～今次小狗🐶出城, 唔再係樓下散步💩💩就番歸係繼去寵物cafe影相打卡後再下一城,黎到新開張既一站式寵物慨念店位置位於將軍澳海濱新海傍位置既L corner位, 有齊cafe、人寵打卡位、grooming同埋Bar & Restarant 真係留係鋪頭就可以玩足一整日最特別係寵物都可以同主大開開心心入indoor 嘆冷氣❄️環境有唔同既打卡位：門口韆鞦、巴士站、霓虹燈、主人位…每一個位置都係打卡位Grooming係同ruff and Fetch 合作, 有個玻璃窗睇到小狗grooming😍扮靚靚 , 有時望到佢好舒服咁嘆緊, 我都開心埋一份餐廳既主要用餐區面積超大, 矮櫈同枱都好pet-friendly, 仲有索繩位, 唔中意坐梳化🛋️的寵物老細們都可以乖乖係地下休息架巴士區入面係寵物禁止內進既普通用餐區, 所以如果想自己嘆美食，都可以放低寵物grooming時入去嘆好西食物以寵物做主題既概念店食物質素
小狗依個宅男, 有得出街, 真係好興奮～
見到route99終於都開左，即刻去朝聖😍
life is short spoil your dog, 所以小狗大哂～
今次小狗🐶出城, 唔再係樓下散步💩💩就番歸
係繼去寵物cafe影相打卡後再下一城,
黎到新開張既一站式寵物慨念店
位置
位於將軍澳海濱新海傍位置既L corner位,
有齊cafe、人寵打卡位、grooming同埋Bar & Restarant
真係留係鋪頭就可以玩足一整日
最特別係寵物都可以同主大開開心心入indoor 嘆冷氣❄️
環境
有唔同既打卡位：門口韆鞦、巴士站、霓虹燈、主人位…
每一個位置都係打卡位
Grooming係同ruff and Fetch 合作, 有個玻璃窗睇到小狗grooming😍扮靚靚 , 有時望到佢好舒服咁嘆緊, 我都開心埋一份
餐廳既主要用餐區面積超大, 矮櫈同枱都好pet-friendly, 仲有索繩位, 唔中意坐梳化🛋️的寵物老細們都可以乖乖係地下休息架
巴士區入面係寵物禁止內進既普通用餐區, 所以如果想自己嘆美食，都可以放低寵物grooming時入去嘆好西
食物
以寵物做主題既概念店食物質素亦十分有保証
主打美式西餐x Bar , 我地都叫左佢地招牌美食同埋milk shake, 大滿足😋
Crispy Fish Benny
Egg Benedit就食得多,
今次係荷蘭醬63度慢煮流心蛋配脆炸大比目魚扒🐟
慢煮蛋好入口滑溜, 配上開胃荷蘭醬, 好重蛋🥚味
比目魚扒鮮嫩, 新鮮魚啖啖肉唔會有雪味, 魚肉爽口
配埋魚子醬, 成件事仲有畫龍點睛既效果；鮮甜十足
炸薯網都唔可以睇小, 炸得岩岩好，金黃酥脆, 就是香脆好味道
Hot wings with Chipotle Ranch
墨西哥甜辣醬加入🌿香草調味, 口味過癮令人一啖接一啖
中意食水牛雞翼既朋友我會推介你食依個汁,
依個汁比水牛汁, 更下一城, 每啖都酸、香、辣, 好惹味😋
配菜係爽脆西芹配藍芝士醬, 好fresh
The Philly Cheesesteak
慢煮美國牛長包, 醬汁有濃厚芝士🧀醬同大量青椒條🫑
牛肉軟稔, 牛肉味濃
大口菜大口肉, 烘完既長包熱辣辣, 層層滋味
All day breakfast 🍳
All day breakfast , 大家一齊開心share~
有3隻蛋, 煙肉, 炸薯網, pancake 🥞
好大份, 興奮perfect combo😆大家一齊share超級爆底食！
Strawberry Milkshake & Chocolate Milkshake
兩杯smoothie都好濃, 仲有果醬、朱古力醬裝飾
口感好creamy
我地食得開心之餘, 主子都食得好開心
Captain仔剪完毛我地仲叫左pet menu ge burger set比佢
Pet 🍔Burger Set
Pet Burger由無激素雞肉、鴨肉粉、乳酸菌芝士、生菜同西冷扒牛肉製成, 寵物可以放心食, 仲有維持腸道健康同美毛功效Tim~~
不得不提! Captain仔平時出街係唔食野, 連我地餵都唔食, 次次都係影完相就包走
但佢今次竟然：第一次出街食野！
睇黎野食好岩佢胃口🥳
我地都好震驚 佢仲要食哂！一啖都無剩😱😱😱
總括來講, 我地同captain今日食同玩都好開心🥳
開心的星期六就係咁簡單, 唔洗諗行程, 一齊放假輕鬆食同玩番日, 笑下食下打下卡📷時間過得好快～
我地仲係可以順便去左海濱行行, 吹吹海風, 留下幾條狗毛
Captain🐶表示：今日行程100分💯
張貼
