I Leisure (已結業)

尖沙咀有好多樓上酒吧，環境好舒服，好岩一班朋友聚會。今次要介紹依間位於北京道環球商業大廈嘅酒吧餐廳I Leisure，好岩情侶或者朋友聚會一齊嚟。樓上酒吧一向都有優勝之處，就係私隱度夠高，唔會有鬧市噪音，同太子酒吧街感覺好唔同。另外I Leisure裝修都好靚，有部分卡位裝上金色鳥籠座椅配上水晶燈，打卡一流，一定要預早book定！😍-酒吧主打香港罕見嘅SHAKE SHAKE海鮮包，非常推介！海鮮包裏面有好多款海鮮可以選擇，包括鮑魚、大蜆、活青口、貴妃蚌、龍蝦、翡翠螺等等，再配上酒吧獨特醬汁調味。店員會預先幫忙密封搖晃，等啲海鮮均勻吸收醬汁，海鮮包有唔同辣度任君選擇，味道非常惹味，食唔停口！海鮮全部都好新鮮，好爽口，想食嘅朋友記得要早一日預約，因為新鮮海鮮供應有限！😋-另外酒吧嘅其他食物都唔錯㗎，依款蜜糖雞翼打卡必備！廚師原先淋上玫瑰露酒，上菜時候會配火燒，視覺享受100分！味道甜甜地，好開胃容易入口，最適合佐酒。明太子龍蝦包都好正，一端上桌已經香氣撲鼻，由原隻龍蝦拆肉，份量好大，仲有大大隻巨型龍蝦頭，龍蝦肉食落肉質唔會死實實，食到鮮甜味道。麵包很軟熟，鬆軟。薯條好好食，炸得乾爽唔油膩。