Harlan's Cake Shop (已結業)

近呢下半年，唔知點解勁迷靚Cake，是晚同朋友食完飯，其實已經好飽，但經過對面呢間cake shop，受唔住餅廚既誘惑，就咁坐低左。平時路過已被五顏六色既馬卡龍吸引，今晚終於有機會買嚟試。本來好想食朱古力蛋糕，但同行友人偏好其他，所以就試了藍莓慕絲蛋糕同少見既蘋果芝士蛋糕。兩款外形都好靚，先吃味道較淡既藍莓慕絲蛋糕，平時除左朱古力味外，其實好少吃慕絲蛋糕的，這個味道尚可，唔似藥水味。繼而試自己揀既蘋果芝士蛋糕，本身諗住試下呢個奇怪配搭，坦白講，冇諗過好味架，點知食落覺得蘋果香/甜味﹑清爽口感，跟芝士蛋糕竟然夾到，而且幾好味，讓人有驚喜。貪心既我試埋紅桑莓馬卡龍，不過呢個味道就一般了。這裡開到10點半，店員冇特別趕客，雖然餅店喺商場通道位咁，但啲位都算坐得舒服，唔侷促，同朋友飯後吹水都唔錯架！