Simplylife Bakery Cafe (已結業)

因為老婆大人OT, 等左兩個鐘等到9點半終於有飯開。可能已經夜冇咩人, 唔使等位就入得。因為太餓, 一坐底就即刻叫野食。我叫左一個法國燒雞, 老婆大人就叫左個黑松露PASTA. 我仲加左30蚊做SET, 有多個SALAD 同紅茶。一叫完WAITER 就9秒9上左個麵包先, 但乾真真冇咩特別, 可以SKIP。 再黎SALAD, 得幾塊生菜, 兩塊青瓜 加D柚子汁, 有D失望。好在主菜有驚喜。燒雞最怕就係太老, 好在佢皮煎得香之外肉都能夠嫩滑, 配菜亦入味,係紅蘿蔔有DD青味。偷食左老婆既PASTA, 黑松露汁好香, PASTA 口感亦好, 我就好鐘意, 不過老婆話食曬好膩, 可能太CREAMY。整體黎講都算滿意, 不過下次可能唔轉SET, 叫多個前菜好過。