Cammino (已結業)

食西餐就要斯斯文文呢個道理我係唔buy 嘅，食嘢最緊要開心同舒服。呢間意大利餐廳雖然位於酒店，但格調隨和，食物水準亦高，只是酒水較貴，要成$110一杯白酒。侍應非常有禮，細心解釋菜式做法。我點了晚餐套餐，三道菜，主菜選了檸檬焗三文魚柳。甜品選了tiramisu，每層材料非常均勻，口感幼滑（不會有白糖糕嗰種氣孔和質地），如酒味重一點就好了～如前所說，點了一杯白酒，Goldwater sauvignon blanc。$110杯是有點貴⋯⋯三個人埋單16xx（信用咭八折後），酒店意大利餐廳嚟講叫合理啦。