影片
更多
2021-05-30
19 瀏覽
之前聽朋友講有間餐廳好得意，因為佢主打CBD，對於唔清楚咩係CBD嘅朋友，可能呢度要稍作解釋先。CBD係大麻提取出嚟嘅化合物，係合法嘅，亦都證明咗有治療同放鬆嘅功效。而依間餐廳就喺嘢食上邊落咗CBD，真係非常有趣同一大特點。一入到餐廳，成個氣氛都好chill好relax，座位亦都好闊落。總之就係舒服到爆啦覺得。嘢食方面嗌左帶子蟹肉牛油果他他，鐵板青咖喱安格拉雞卷，日本芥末忌廉香煎廣島蠔闊條麵，甜品叫咗流心芝士撻。帶子蟹肉牛油果他他擺盤非常漂亮，份量亦都幾好，兩個人食就啱啱夠啦。已用了上面呢亦都冇揸流攤，帶子同埋蟹肉都非常多，食落去仲要食到切粒帶子嘅鮮味，他他上面仲有三文魚子，再加上個黑醋汁，食落去真係好開胃，甜甜酸酸，咬爆三文魚子個刻有返啲鹹味，中和得幾好。我放啲他他落去薄多士上面，又吹又軟，係一度唔錯嘅前菜。鐵板青咖喱安格拉雞卷青咖喱都有啲辣，我就覺得啱啱好，但如果唔係好食得辣嘅朋友就小心啲。雞卷外皮整得啱啱好，唔會話淋晒，少脆。雞肉冇overcook，配料仲要非常豐富，有三色椒同埋翠玉瓜。雖然冇個前菜咁出色，但其實都好好味，鍾意食雞卷嘅朋友不妨一試。日本芥末忌廉香煎廣島蠔闊條麵整個
一入到餐廳，成個氣氛都好chill好relax，座位亦都好闊落。總之就係舒服到爆啦覺得。嘢食方面嗌左帶子蟹肉牛油果他他，鐵板青咖喱安格拉雞卷，日本芥末忌廉香煎廣島蠔闊條麵，甜品叫咗流心芝士撻。
帶子蟹肉牛油果他他
帶子蟹肉牛油果他他
$128
3 瀏覽
0 讚好
0 留言
擺盤非常漂亮，份量亦都幾好，兩個人食就啱啱夠啦。已用了上面呢亦都冇揸流攤，帶子同埋蟹肉都非常多，食落去仲要食到切粒帶子嘅鮮味，他他上面仲有三文魚子，再加上個黑醋汁，食落去真係好開胃，甜甜酸酸，咬爆三文魚子個刻有返啲鹹味，中和得幾好。我放啲他他落去薄多士上面，又吹又軟，係一度唔錯嘅前菜。
鐵板青咖喱安格拉雞卷
鐵板青咖喱安格拉雞卷
$118
7 瀏覽
0 讚好
0 留言
青咖喱都有啲辣，我就覺得啱啱好，但如果唔係好食得辣嘅朋友就小心啲。雞卷外皮整得啱啱好，唔會話淋晒，少脆。雞肉冇overcook，配料仲要非常豐富，有三色椒同埋翠玉瓜。雖然冇個前菜咁出色，但其實都好好味，鍾意食雞卷嘅朋友不妨一試。
日本芥末忌廉香煎廣島蠔闊條麵
日本芥末忌廉香煎廣島蠔闊條麵
$148
6 瀏覽
0 讚好
0 留言
整個配搭都好夾。芥末同埋忌廉嘅份量啱啱好，令到兩隻味都好出。掛汁既闊條麵好吸引，食得出闊條麵煮嘅時間好好，好有咬口。廣島蠔剪到啱啱好有少少燶邊，蠔味濃郁，配搭芥末忌廉嘅味道，就更顯特別。順帶一提，原來仲有少量三文魚子，令到整個闊條麵層次更加豐富，更多元
流心芝士撻
流心菲達芝士撻
$48
2 瀏覽
0 讚好
0 留言
我覺得呢個流心芝士撻，可以稱得上係今日嘅冠軍。先講講價錢，只係$48，出邊甜品舖都未必做到呢個價，但依度嘅芝士撻係物超所值。唔單只係即焗，而係焗得出色。一上枱仲係熱辣辣，要即刻食，外皮感覺就好似牛油曲奇咁嘅味道，裏面啲流心芝士好濃但甜味同鹹味都好適中，其實就咁食個芝士撻都已經100分。但睇得出餐廳知道客人有機會覺得太膩，所以喺擺盤上提供左士多啤梨醬同士多啤梨，如果覺得太重口味，仲可以即刻refresh返，冠軍非佢莫屬。
最後想講講兩杯嘢飲，一杯係Oreo雲呢拿沙冰，另一杯係熱情果柚子伯爵茶梳打。第一杯如果鍾意飲麥旋風味道嘅飲品，我會好建議，賣相亦都非常吸睛。第二杯我就覺得幾特別，可能坊間都唔係話特別多伯爵茶嘅特飲，熱情果柚子加伯爵茶，飲落去非常清新，唔會好甜，earl grey味道亦都好出。
Oreo雲呢拿沙冰
$58
8 瀏覽
0 讚好
0 留言
熱情果柚子伯爵茶梳打
$38
4 瀏覽
0 讚好
0 留言
順帶一提，食完真係會有少少眼瞓，感覺的確係幾relax嘅，畢竟成個環境都已經令人好relax。如果係失眠嘅朋友仔，不妨感受完美食之餘，再瞓番一個好覺？
總結：絕對可以再嚟，兩個人有好約埋一班朋友都好，我覺得都會係一番好嘅體驗，食物如是，飲品如是，旅程如是。
張貼
