Med Chef (已結業)

之前喺西營盤試過飲cbd咖啡，雖然味道分別唔大，但可以提下神令個人開心啲！果陣先知原來有好多cbd product對身體都好健康，奈何cbd就黎俾法例禁止，所以就想趁依家試多啲cbd餐廳！威靈頓三文魚配秘魯黃椒醬 $228威靈頓牛排就食得多喇，威靈頓三文魚就真係第一次見！不得不說，黃椒醬果種辣味真係啱啱好，好吊到三文魚既味出黎。三文魚既肉質好嫰滑，酥皮亦都好脆，但個人覺得如果牛油味再重啲就會更加惹味喇！香烤海鮮白醬啤酒薯角 $98見到一大盤薯角就覺得好抵食喇，薯角焗得好香口，而且有海鮮白醬令薯角既味道更濃郁，但較上面既薯角可能比較少醬，相對會淡味少少，記住攪勻先食啊！