利強記北角雞蛋仔 (已結業)

上星期六睇TVB 一個關於什麽香港情的節目訪問一啲辛苦創業的人，其中就有北角雞蛋仔老細，話由細檔做起，到依家都會親自落去買靚蛋既故事。知道灣仔有，放工就去買。 雞蛋仔最多一次做到幾底，每底要整幾分鐘，要排隊係正常。依間係得原味，$14一底，都ok抵.不過我想提的係佢無排隊機制， 俾完錢，佢整好時佢想俾邊個先就俾邊個先，嗰一下真係嬲，但我可以點先。。。。唔通話佢咩。。。。塊雞蛋仔外面幾脆，真係幾香雞蛋味！我鍾意佢裏面係軟軟的，我同事就覺得過份淋 ，另外就甜左少少，減吓糖就好了。係，不得不承認這老細係辛苦有血有汗咁創業，但機遇都好重要的。