Chang Thai Restaurant & Bar (裝修中)

同阿仔約左親戚去銅鑼灣食飯，襯住未夠鐘，阿仔又大叫肚餓，去左Chang Thai食小小野先，去到成間餐廳已坐滿人，好彩近𨋢口有張二人枱；先點一個泰式煎蠔餅，鐵板上，熱辣辣，蠔🦪仔細細粒，但好有蠔味，蛋有蛋香，墊底嘅洋蔥同芽菜吸收晒鮮味，非常爽口又鮮味；泰南香辣肉碎炒飯，唔錯，整體唔太油，飯底炒到粒粒分明，好乾身，仲有些小辣度，幾開胃；馬拉盞炒椰菜苗，菜仍保持青綠爽脆，唔會太油。椰青同青檸水係食泰菜必點之選，椰青勁厚肉多汁，非常解喝清甜。