Cafe Charm's (已結業)

同女友去黃埔睇戲，之後 search 下附近有咩食，就見到呢間餐廳好似好受歡迎，於是決定試下。去到見到門口好多人排隊，我哋等咗一陣就入得，裝修簡潔明亮，可能食客比較多，如果想靜靜地談心就有少少難度。女友最 like 卡邦尼意粉，咁當然要叫比佢食啦，賣相己經令人流口水，入口非常濃郁芝士味，仲有煙肉同磨菇做配料，意粉煮到好彈牙，色香味俱全。麵包非常香口鬆脆，漢堡扒入口有濃郁嘅牛肉味，而且肉質鬆化又 juicy。薯角面舖滿厚厚的芝士，外脆內軟，入口食到啖啖濃郁既芝士味，正！我同女友都好滿意呢餐，價錢大眾化而且味道好好。一句講晒，以咁既價錢，有高級餐廳既質素，真係好Charming 呀