新記冰室 (已結業)

冰室、茶記傻傻分不清。旺角朗豪坊附近一間店面頗乾淨的餐廳, 座位間隔鬆動。 餐牌上一堆芝士撈丁, 看來是主打, 先點一個芝士汁雞扒雞翼飯。 雞, 全部都係雞😳侍應哥哥當堂嚇一跳。 小朋友口味、重忌廉的芝士汁不會太濃稠, 易入口。 雞扒飯正常, 雞翼是十揀一餸, 打孖上, 隻隻都脹卜卜, 又香口, 抵食之選。另外點了自家蔥蒜豬扒飯, 好食但有略嫌貨不對板, 蔥是洋蔥的蔥, 青綠蔥花極少, 蒜頭搵粒刮痧都無, 豬扒就正常份量, 正常發揮。