芝C Sushi (匯景商場) (已結業)

一直見到呢間新壽司鋪係匯景開咗，但一直未試過。今次放工經過走去試一試，因為佢鋪名有芝字，所以叫咗一份芝味三文魚手卷一試。鋪頭設有少量座位，食set可以坐係到食，但注意人流較多咖，因為係街口位置。落單拎收據，之後等叫number，再落豉油 ,wasabi個啲嘅.手卷嘅三文魚係好足料，食到尾都有，芝士都一樣。用火槍燒過芝士，令三文魚都有啲火灸味，可以一試。其實見佢仲有黑松露味或者其他配搭，可能下次可以試吓。