影片
更多
2012-07-06
344 瀏覽
Chez Patrick個名聽就聽得多，因為熱愛烹飪o既媽咪都有上過Chef Patrick教o既堂。媽咪經常讚Patrick師傅除左煮野食有諗頭，個人亦好大方慷慨，唔會收埋收埋D秘技又或者唔比人試食。所以一聽到佢喺公司附近開新店，又可以用Tablemap訂位時，我就立即約表妹一齊試食，順便賺取QRE分數。對我依個喺灣仔返工o既人黎講，Chez Patrick餐廳位置真係好方便，由公司出發，行幾步就到。因為食過之前同舖位o既法式餐廳La Bons，所以一早知道佢樓面高，間隔寬敞。唯一好似覺得新裝修後，好似少左好多位；咁都好o既，因為人少左，雜聲冇咁勁，食得舒服左。小弟黎幫襯前都做過功課，睇過食評，知道Chez Patrick餐廳內o既服務生質素參差，今次見識過後，諗左幾日，都覺得有必要喺食評中講出自己差不多o既經歷。話說當日，一上到門口，XO用超純正o既廣東話同接待小姐講我經Tablemap訂左兩個位，嗰位妹妹非常迷茫地睇左佢本薄一眼，跟住帶我地入餐廳揀枱。然後唔知點解，佢本身講廣東話o既同事突然轉哂channel，同我地講英文，之後仲索性叫位外籍姐姐招呼我地添。雖然我同表妹都講得一口
對我依個喺灣仔返工o既人黎講，Chez Patrick餐廳位置真係好方便，由公司出發，行幾步就到。因為食過之前同舖位o既法式餐廳La Bons，所以一早知道佢樓面高，間隔寬敞。唯一好似覺得新裝修後，好似少左好多位；咁都好o既，因為人少左，雜聲冇咁勁，食得舒服左。
小弟黎幫襯前都做過功課，睇過食評，知道Chez Patrick餐廳內o既服務生質素參差，今次見識過後，諗左幾日，都覺得有必要喺食評中講出自己差不多o既經歷。話說當日，一上到門口，XO用超純正o既廣東話同接待小姐講我經Tablemap訂左兩個位，嗰位妹妹非常迷茫地睇左佢本薄一眼，跟住帶我地入餐廳揀枱。然後唔知點解，佢本身講廣東話o既同事突然轉哂channel，同我地講英文，之後仲索性叫位外籍姐姐招呼我地添。雖然我同表妹都講得一口流利英文，不過見佢地有如此表現，我倆都覺得莫名其妙！正如其他食評所講，除左外籍經理一人可稱為落力上心之外，其他服務生表情可謂呆滯，態度雖不算惡劣，但絕不談得上友善，表現出對餐廳運作以及食物菜式都頗為陌生，真係幾驚嚇！
午市套餐：頭盤＋主菜＋甜品（不含餐茶或咖啡！水都要另叫，每枝$75！）；$250只選其中兩道，或$350要哂三道；每加$100可轉一道菜為招牌菜。
免費餐前小食之涷梨湯及蝦串：雖說係免費贈送，不過好明顯午市套餐個價錢已經包左。涷梨湯酸酸甜甜又苦苦地，最奇怪就係嗰陣強烈o既香草味，個人覺得唔係好夾囉。
個蝦串還OK，蝦身算爽，味道亦正常。不過可能飲左個湯先，所以蝦串中o既哈密瓜變得冇乜味。
（大家可能會覺得好奇怪，點解我每道菜都要影兩幅相呢？其實係因為肥爸爸送左部新手機比肥仔仔，XO試新機之餘，亦想用新app同大家分享下Ｄ作品。）主菜之法式黑豬Roast French “Bigorre” Black Pork Rack with Sage, Caramelized Applesauce：黑豬肉質算嫩，又夠肉汁，所以完全唔嚡唔乾。調味帶甜，食得清新，我同表妹對依個主菜都相當滿意。
我同表妹食到一半，突然間見倒一個外籍廚師出黎同一枱西人打招呼（無錯，係西人同西人o既私人交流），有預感佢就係Chef Patrick，所以就迅速地用手機影左幅相，返屋企比媽咪確認。（小肥是對的！）見大廚午市時間都走出黎，原本覺得佢冇乜架子，點知佢同外籍客人打完交道後就返左入去，似乎有輕視本地客人之嫌，所以當堂對佢o既印象大打折扣！
甜品之心太軟Delicacy Passion Fruit & Chocolate：份量看似比較少，但係因為心太軟可以好溜，所以XO仔覺得好似咁細細個就啱啱好！
因為曾經食過「心太硬」，所以慣性食前都會先落一刀，驗証流心程度，小肥確認Chez Patrick合格！暖暖o既心太軟熟少甜，外層鬆軟，內層又夠流心，parfait！另外，碟上o既朱古力醬拌半件熱情果macaron酸酸甜甜，都好啱我口味！
總結，要我用三百幾蚊食一餐服務不周，食物水準一般，食我唔飽又唔包餐茶/咖啡o既法式午餐，我只可以話係萬二分唔抵囉！因Chez Patrick實在太貴（法文譯作“cher”），XO認為餐廳應改名為CHER Patrick！講真嗰句，佢個午市套餐如果可以減到百幾蚊一客，我諗到時我先會返去再幫襯！
張貼
