Boomshack (已結業)

出街食飯先來落雨，唔通連個天都唔鍾意我？其實落雨又使乜驚喎，落雨出街食少好多人爭位。來到Boomshack, 完全唔使等位。 Boomshack啲裝修同個名一樣型格，吧枱上面掛滿飲品罐， 除咗中間一張大木枱，其他枱同凳都係鐵造嘅，擺餐具餐具都係用個鐵罐，連個waiter都成個oppa 咁款，好鬼cool。Fries好特別，第一次食beet root fries，好有驚喜。外皮原來都好脆，入面就冧冧地，幾甜。雖然fries 都唔會話有幾健康，但係用紅菜頭，起碼都冇咁guilty。經典牛肉漢堡包啲牛肉幾juicy, 塊芝士燒得好靚。 塊麵包可以改善下，口感麻麻地，有啲粗糙。好欣賞個炸雞窩夫，原來窩夫唔一定要配雪糕當甜品。 個炸雞窩夫味道偏甜，而啲炸雞唔算好濃味，但係炸得夠香脆， 兩者放埋一起又出乎意料地夾喎，值得推介。