麻辣派對 (瑞生酒店) (已結業)

一向好喜歡食辣，今次再次來《麻辣派對》，滿足自己食辣嘅欲望🙏🏻。餐廳裝修好有格調，燈光偏暗，配上西色裝修，油畫掛牆，正合「派對」氣氛。主打四川麻辣菜，餐牌五花八門👍🏻 有水煮魚，烤魚，香鍋，小炒，海鮮等😍 另外可以揀輔菜放入鍋內 更滿足🤍 另外所有餸菜都可以揀辣度👍🏻 重慶銅盤烤桂魚 麻辣味型 $338~ 辣度方面，揀咗BB辣，有好多辣椒，比想像中辣，而且辣味比麻味更重。好大條魚，魚肉好滑，有芽菜，蜂巢豆腐，金菇，荽茜，蒟蒻等，好足料👍🏻。另外加咗水晶粉 $38~水晶粉偏幼，正常份量，好索湯汁👍🏻 不過要小心，如果煮得太耐，水晶粉好容易發漲，亦都要小心黏底👍🏻。另外加咗蒙古羊肉 $68🥹 ~蒙古羊肉本身偏碎，但份量好多😍 羊肉味好重，麻辣味絕對唔會蓋過羊肉味，反而可以將羊肉味昇華，推介!! 另外，餐廳更每人送一份桂花糕冰粉，一解辣氣，食埋甜品更滿足!