Wildfire Pizzabar (諾士佛臺) (已結業)

朋友相約諾士佛臺Wildfire食飯飲野 先Order支紅酒抖下氣,見到menu上面有杯coffee dream好吸引,一坐低就馬上叫黎試下!!係好香好滑嘅baileys mix with coffeeI like it!! 唔會好濃烈嘅酒味絕對適合平時唔太飲得嘅女士我哋坐喺outside,啱啱頭頂上面係一棵大樹,有十隻八隻嘅蝙蝠不斷飛嚟飛去,不過佢哋應該習慣咗所以唔會騷擾到人 或者因為outside嘅檯用木做嘅關係,不斷有一隻隻蚊滋喺度飛,飛係個杯&紙巾上面,感覺唔係咁衛生!下次畀我揀一定坐返入面! 食物就真係不錯,叫咗個龍蝦蜆殼粉,個source好香好濃,份量就一般,一隻細龍蝦一開二! 腸仔拼盤正常,份量幾多,比較油。 牛扒就有啲鞋始終係燒嘅,個汁就好match, 三個人叫咗呢三樣嘢食都夠飽。至於服務方面,唔知點解呢度嘅staff好鍾意不斷地收拾餐具,除咗不斷企你後面睇你食完未之外,會經常打擾客人傾偈,不時伸手到檯中間收碟收叉