ChumChum味 (已結業)

醬油蟹($220)，一隻，價錢方面雖然唔算便宜，而且size較細一點，不過味道絕對跟韓國食過既醬油蟹一模一樣味道，爆滿既蟹膏，蟹肉亦只需要輕輕用口一吸就吸入口中，非常滋味，必須要將飯放上蟹蓋和蟹膏攪拌一齊食，飯粒吸晒d精華。大蒜醬油炸雞($100)，半隻雞但都有差唔多7至8件炸雞，味道方面香濃既大蒜味仲帶有少少甜味，蒜片經過油炸，配合埋炸雞，兩者非常香脆，雞肉嫩滑有肉汁。鮮蝦紫菜飯捲($75)，共11件飯捲，性價比高，一件一口，口感百感交集，脆爽煙韌集於一身。迷你豬腳($55)，一隻，共有約5至7件，豬皮好柔軟而且軟淋，骨膠原重，必須要趁熱食用，否則凍左豬皮會開始變硬。