岩盤牛扒 ミディアムレア ステーキ (香港嘉里酒店) (已搬遷) 新店位置

🍼用餐體驗及環境今日同朋友去咗黃埔行街，行到攰就去咗嘉里酒店嘅百味川醫肚，見到呢間岩盤牛扒都幾吸引，百味川地方好空曠，有室內室外嘅座位，鍾意坐邊都得，最令我驚喜呢嘅係度可以望住海景見嘢，夠晒chill😍🍼 西冷牛扒300g套餐 $219+$30平時食牛扒就鍾意食西冷，今次都揀咗西冷，西冷新鮮切完會煎熟咗先，上碟就會用一個熱辣辣嘅岩盤放住，可以keep住熱辣辣咁食🤭西冷牛扒肉質比較有嚼口，牛肉味相當濃郁，亦都食到有油花，可以配埋燒汁食，好好味👍🏻套餐仲可以揀三樣，我就揀咗蘋果汁，味噌湯同溫泉蛋，味噌湯嘅調味唔會太濃，淡淡哋幾好味，而隻溫泉蛋真係好好味，浸喺醬油上面，一啖啜入口，蛋汁濃郁🥰