Bischofia by Mood

營業中

休息中

秋風起天氣好好，緊係唔想留喺屋企。同朋友去左觀塘海濱行下吹下風，夜晚去左牛頭角附近諗住搵下有冇好野食。喺工廠附近見到有間裝修好靚既餐廳，入面仲有Halloween既裝飾應一應節😬💙。而且星期六晚7:00開始，仲會有live Band可以聽，仲可以自己點歌即場唱🥹。廚師發版-芝士龍蝦蕃茄扁意粉一上碟已經見到大大隻龍蝦，仲要面頭有一層芝士。龍蝦既肉質好爽口，同埋有好多蝦膏。入面係濃厚既蕃茄汁，同蕃茄仔，材料十足。😽香煎紐西蘭牛柳配薯蓉 $208佢呢一個紐西蘭牛柳嘅醬汁好特別，分別有每汁、同埋一啲酸酸地嘅醬汁，加埋一齊有少少似IKEA食到嘅肉丸嗰種感覺，開胃得來又唔會好奇怪。而牛扒方面，佢嘅肉質唔會好韌，而且好香牛味，煮到大概五成熟左右。Caffe Mocha $50今次叫咗杯熱嘅Mocha，首先個拉花見到已經好靚，飲落佢嘅咖啡味都好香，而且又唔會過甜。Hojicha Skim Latte $55最鍾意就係飲焙茶，今次見到佢配搭埋脫脂奶，所以就選擇咗一杯凍嘅焙茶鮮奶試一試。佢嘅焙茶味好香濃，而且飲落去都唔會好水，味道都唔錯。