Helen’s

營業中

休息中

朋友生日，我地去左間樓上酒吧食野，因為我個fd都幾中意飲cocktails既，但又唔想去啲好嘈既地方，所以book左尖沙咀間Helen’s我地去到先知佢酒牌續緊，所以轉叫左mocktails，我叫左個5.4.5.2.0，佢既口感好似milkshake咁，味道系我最愛既莓味雞尾酒，杯邊佢仲痴左啲椰絲，味道同杯野飲好夾，系我飲過最好味既mocktails之一！賣相又靚，上面有個玫瑰花瓣，叫嚟影下相都抵玩呀！同埋價錢都比同區既要平，環境又有東亞風情，好有氣氛，實在系性價比極高呀！我地一共叫左3個小食1個意粉，分別系香烤辣雞翼、雞牛豬串燒、唐揚魷魚圈同埋海鮮意粉，啲小食都系中上級水平，雞翼送上嚟既時候熱辣辣、香噴噴，切割都系好方便進食，唔會整到嘴角污租曬，佢系辣辣地既所以都好野味好香！啲串燒都好juicy，保持應有水平，價錢都好相宜。魷魚圈都好香脆，十足台灣夜市戈啲岩岩先炸好，香噴噴既小食咁，真系好正！個海鮮都勁抵食，大大份但都咁平！性價比極高！