熾工房 (已結業)

想食美式炸雞好多時只有快餐呢個選項，快快手食完就走，偶然發現左呢度，格局似酒吧/西餐小店，禮拜五晚黎感覺好chill。脆雞漢堡餐賣相好澎湃，除咗炸魚之外，真係冇見過好似手掌咁大嘅炸雞扒用黎做burger。 一句講晒食落好爽，炸雞好厚身，食落啖啖肉。 實測左無論係肉定醬同炸雞餐都差唔多，加咗包同菜口感更加豐富，下次嚟都會叫呢個。大愛蜜糖芥末醬，唔係平時食到嘅味道，非常特別。 芥末香味好出，唔會太甜，點完將味道昇華左幾個層次。秘製雞肉丸同IKEA肉丸有得揮，蕃茄醬酸酸甜甜，肉丸幼滑有肉汁，同埋難得小食唔係得炸嘢，感覺上健康啲。偷食左幾啖朋友個蘑菇飯，煮得好香，蘑菇唔洗慳住食，好滿足。