港滙軒

營業中

休息中

今日去尖沙咀銀行交文件，走時碰到朋友，一於一齊飲埋茶先返屋企。酒樓環境，給人一種浪漫舒適嘅感覺，一邊慢慢嘆茶，一邊欣賞維港嘅景色。酒樓點心更有特色。於是叫咗外面少見嘅點心先。＂金魚餃＂上台顏色鮮艷奪目，好吸眼球，像足一條魚，梗係要相機食先，餃子皮薄餡靚，入口鮮味十足，蝦仁夾口彈牙。＂蝴蝶蘿蔔絲酥＂酥脆可口，一啲都唔油膩，餡料蘿蔔絲爆棚，層次分明，周邊加上黑白芝麻更添香味。＂啤梨鹹水角＂做到像真水果一樣，好有觀賞價值，入口外皮脆口又帶煙韌口感，非常滋味。＂蔥油糯米卷＂入口蔥油味濃，米軟糯，好飽肚，＂羊肚菌燒賣＂整個羊肚菌鋪喺面頭，感覺非常高檔，肉質嫩滑。