Jacomax (已結業)

今日一行四人黎到呢間餐廳食pizza，一入到去已經覺得裝修好特別，好摩登啊～～同埋佢地係open kitchen，好有feel店員提我地happy hour酒類有優惠，我地就一人叫左一枝酒黑椒雞翼，有少少辣但幾好食13吋雙拼pizza，朋友話想試藍芝士蘋果，聽落好似同pizza唔夾，但食落又幾好食喎，酸酸甜甜啱晒我口味另一邊嘅暴龍味就啱晒食肉獸嘅朋友，啖啖肉！Pizza底亦都好薄好香脆卡邦尼意粉，正正常常冇咩特別，味道都唔錯蟹肉忌廉長通粉，每條通粉都沾滿蟹肉，好足料！啲白汁亦都好香滑總括黎講，呢到啲食物都幾有特色，當然最好食係啲pizza啦，可以拼自己想食嘅味，值得一試！