Harvest Beachside

營業中

休息中

一到冬天寒風陣陣，就會好想圍爐取暖，同一班親朋戚友一齊BBQ吹吓水睇吓星星喇。挪亞方舟度假酒店露天餐廳 Harvest Beachside，見佢再推出「Chill饗海景燒烤盛薈」就吸引我地去book位嚐鮮！最中意係大家可以一邊享受青馬大橋嘅美景，一邊享受即燒即食嘅樂趣。今次這個4人套餐，包含多款高質食物同海鮮，如日式大葱醃鹿兒島無激素雞肶肉、香料蕉葉烤紐西蘭海鱸魚柳、有機露絲瑪莉醃紐西蘭羊扒、蜜糖茄醬燒原隻緬甸野生海虎蝦、手造迷你澳洲和牛漢堡、越式香茅醃西班牙杜洛克無骨豬肉眼等，味道豐富、賣相吸引。每份都以唔同醃料調製，食物燒烤過後，非常惹味。再加埋青馬大橋壯麗嘅日落美景，坐喺餐廳嘅籐椅同梳化度，真係令人好放鬆。