影片
更多
2024-12-31
0 瀏覽
如果去開中環那邊，想食得好啲啲，想食扒之餘又想食多啲菜，環境要夠chill，最緊要價錢方面夠相宜，呢間餐廳各方面都絕對勝任有餘💪。環境開揚闊落，有室內及戶外空間，坐得舒服，Semi-buffet lunch就只需要$108可品嘗到😋，包括有沙律吧、餐湯及餐飲，加配喜歡嘅主菜，最平都只係$48🤑就有個Risotto，而最貴都只係$138🤩就有個澳洲頂級穀飼封門柳。🥗任食沙律吧除咗有新鮮沙律菜之外，仲有已預伴嘅特色口味沙律，有充滿泰國風情嘅青木瓜沙律及地中海風情沙律，呢兩款沙律我哋都覺得超正👍，另外仲有凍蝦添，至於炸物就有脆卜卜嘅薯條及咖哩角，當然唔少得有餐包及甜品喇😝。🥣是日餐湯包咗一碗香氣撲鼻嘅磨菇湯，入口充滿濃郁磨菇嘅原味道，同時亦好creamy幼滑。主菜最平$48就有個Risotto ，而我哋就揀咗個三文魚及鴨腿👇：🐠香煎三文魚扒配奶油菠菜伴香草白酒牛油汁$68呢個價位完全唔揸流灘👍，而且賣相都好靚仔，三文魚幾厚肉，煎到皮脆肉嫩，配上無渣軟滑嘅奶油菠菜及清甜香草汁，好味又唔膩😋。🪿法式油封鴨腿配南瓜泥及西洋菜沙律伴櫻桃醬$88油封鴨腿外皮煎到夠哂香脆，肉質又非常軟腍，鴨味濃郁，配上
環境開揚闊落，有室內及戶外空間，坐得舒服，Semi-buffet lunch就只需要$108可品嘗到😋，包括有沙律吧、餐湯及餐飲，加配喜歡嘅主菜，最平都只係$48🤑就有個Risotto，而最貴都只係$138🤩就有個澳洲頂級穀飼封門柳。
🥗任食沙律吧除咗有新鮮沙律菜之外，仲有已預伴嘅特色口味沙律，有充滿泰國風情嘅青木瓜沙律及地中海風情沙律，呢兩款沙律我哋都覺得超正👍，另外仲有凍蝦添，至於炸物就有脆卜卜嘅薯條及咖哩角，當然唔少得有餐包及甜品喇😝。
🥣是日餐湯
包咗一碗香氣撲鼻嘅磨菇湯，入口充滿濃郁磨菇嘅原味道，同時亦好creamy幼滑。
主菜最平$48就有個Risotto ，而我哋就揀咗個三文魚及鴨腿👇：
🐠香煎三文魚扒配奶油菠菜伴香草白酒牛油汁$68
呢個價位完全唔揸流灘👍，而且賣相都好靚仔，三文魚幾厚肉，煎到皮脆肉嫩，配上無渣軟滑嘅奶油菠菜及清甜香草汁，好味又唔膩😋。
🪿法式油封鴨腿配南瓜泥及西洋菜沙律伴櫻桃醬$88
油封鴨腿外皮煎到夠哂香脆，肉質又非常軟腍，鴨味濃郁，配上甜滑南瓜泥、爽脆無渣嘅西洋菜及甜蜜香濃嘅車厘子醬，整體配搭平衡好食，不油不膩👍。
☕️餐茶
我哋叫咗熱檸茶，但估唔到係壺上，有驚喜。
🍰甜品環節當然唔少得喇，沙律吧內有我哋最鍾意食嘅朱古力蛋糕添😋，食得非常滿足，坐得又舒服🥰。
張貼
