Garden Bar & Restaurant

營業中

休息中

chill泰美食bar同friend收工，搵左間靜靜地，可以慢慢食坐得耐既餐廳hea食。呢間餐廳係泰式美食為主，環境都好舒服。我哋嗌左五個嘢食，蒜蓉包、明太子沙律、豬牛羊串燒、炸蝦餅同埋泰式燒牛小扒。蒜蓉包呢個蒜蓉包好大份，最唔同嘅係佢有原粒嘅蒜蓉，侍應教我地將原粒嘅蒜蓉當牛油咁查落個包度，連埋蒜蓉包上面嘅蒜頭，食落好好味。😋明太子沙律呢個明太子係正方形粒仔，唔係散修修嘅，連埋沙律食，兩種口感喺個厚度，開胃，唔錯。炸蝦餅有成八舊咁多，啱啱炸起，香口，啖啖蝦味。豬牛羊串燒嗌咗每樣各兩款，串燒跟嘅醬係花生沙嗲醬，個味都幾特別，啲肉又唔會燒得好un，好惹味😙😚😋。泰式燒牛小扒呢個主食特登叫咗唔好燒咁熟，所以d肉紅卜卜，連埋泰式辣醬點嚟食，好香嘅牛味，用嚟送酒一洗。