Baron 99 (已結業)

聽同事講銅鑼灣開左間新嘅樓上酒吧, 於是今晚收工就同好姊妹去飲野! 上到去地方雖然唔算十分大, 但環境整潔, 而且景觀唔錯😊 除左有基本嘅Beerpong同Slap cup之外, 仲有間可以唱k嘅private room可以比你展示下歌喉😆 店員安排左我地坐係吧枱前面嘅位置, 隨後再送上蝦條! 餐牌上除左飲品之外,仲有串燒🍢, 烏冬🍜同小食, 種類都幾多, 我地叫左兩杯酒🍸同兩個小食慢慢詳談🤭Zombie🍸主要由幾款Rum而成的, 另外加入左菠蘿汁🍍同青檸汁🍋入口酸酸甜甜, 味道唔錯!World Tour🍸由whisky, vodka, gin, white rum, tequila, grand marnier調制的, 味道幾有層次感, 由於入面加左菠蘿汁🍍, 令整個味道更和諧, 唔會太剛強!迷你手工麵包條🥖麵包條即叫即整所以製作需時, 一上枱就聞到好香嘅芝士味🧀, 一撕開一條條嘅芝士拉絲已經令人流哂口水,食落口感酥軟, 十分芝味!😋 唐揚炸魷魚圈🦑魷魚圈炸得非常香口, 魷魚味道濃郁, 口感軟腍唔乾身!總結: 食物質素唔錯, 店員嘅服務態度良好, 而且性價比高!😊