影片
更多
2022-09-28
11 瀏覽
終於又捱到Happy Friday，又係時候去relax去chill下啦，可惜今日朋友有揸車，冇得飲酒！不過佢都提議嚟呢間雖然係酒吧但其實有好多好嘢食嘅餐廳！喺門口經過見到佢嘅裝修好靚，有好多好有特色嘅霓虹燈，睇落好似打卡Cafe，環境一流！ 炸蝦餅 $88 一碟有八件，炸到好香脆，外脆內軟，配埋泰式甜辣牆好開胃。北海道八爪魚沙律 $98 朋友話想食多啲菜，所以今日叫咗兩個沙律，因為兩樣都想試吓！沙律表面鋪滿八爪魚，配嘅酸醋汁食落酸酸甜甜好惹味，作為前菜真係會令人食慾大增！沙律嘅底部有海草同幾款沙律菜，係多層次嘅口感。燒牛肉沙律$128 店員推介呢款燒牛肉沙律，一上菜已經覺得好吸引，燒牛肉偏生，但我哋都好鍾意食，平時食開啲牛扒我哋都係叫偏生，如果唔慣嘅朋友真係要留意！而呢個沙律配嘅汁係辣汁，食落都幾辣幾刺激。雖然叫咗兩款沙律，但其實兩款都好唔同，各有特色，兩款我哋都好鍾意！香烤大海蝦配香辣鮮茄海鮮長通粉 $168 呢個意粉上菜好靚，兩隻大蝦好似成對翼咁！大蝦好大隻，肉質爽口彈牙，食落真係啖啖肉！香辣鮮茄食落開胃，令到我食完又想再食，通粉配料都有好多海鮮，好抵食！海鮮薄餅9‘’ $148
炸蝦餅 $88
一碟有八件，炸到好香脆，外脆內軟，配埋泰式甜辣牆好開胃。
北海道八爪魚沙律 $98
朋友話想食多啲菜，所以今日叫咗兩個沙律，因為兩樣都想試吓！沙律表面鋪滿八爪魚，配嘅酸醋汁食落酸酸甜甜好惹味，作為前菜真係會令人食慾大增！沙律嘅底部有海草同幾款沙律菜，係多層次嘅口感。
燒牛肉沙律$128
店員推介呢款燒牛肉沙律，一上菜已經覺得好吸引，燒牛肉偏生，但我哋都好鍾意食，平時食開啲牛扒我哋都係叫偏生，如果唔慣嘅朋友真係要留意！而呢個沙律配嘅汁係辣汁，食落都幾辣幾刺激。雖然叫咗兩款沙律，但其實兩款都好唔同，各有特色，兩款我哋都好鍾意！
香烤大海蝦配香辣鮮茄海鮮長通粉 $168
呢個意粉上菜好靚，兩隻大蝦好似成對翼咁！大蝦好大隻，肉質爽口彈牙，食落真係啖啖肉！香辣鮮茄食落開胃，令到我食完又想再食，通粉配料都有好多海鮮，好抵食！
海鮮薄餅9‘’ $148
呢個pizza同我幻想中嘅海鮮pizza好唔同！Pizza表面鋪滿好多芝士，啱晒我呢啲芝士控！另外海鮮配料都有好多，例如八爪魚、蜆肉、螺肉等等，啖啖都有唔同海鮮！而我最鍾意佢嘅係薄脆餅底，食落唔會好濟好膩，千島醬都俾得好夠，食落好好味😋😋😋
📍 Garden Bar & Restaurant (尖沙咀)
尖沙咀柯士甸路7-9號煥利商業中心地下A號舖
張貼
