渝味曉宇重慶老火鍋 (渣甸中心) (已結業)

係銅鑼灣行街，見到呢間「渝味曉宇」既麻辣火鍋店，啱晒我同一班咁鍾意打邊爐嘅朋友。所以我哋即刻上咗去試吓呢間火鍋店。我哋一班人好鍾意打邊爐，但係我哋全部人都唔係好食得辣，所以無試佢招牌嘅麻辣火鍋，不過我哋都叫咗兩個口味嘅鴛鴦火鍋湯底，分別係大骨、山真菌湯鴛鴦鍋，啱晒我哋呢啲食唔到辣嘅火鍋友！你間火鍋店嘅食材都有好多選擇，以下嘅食材就係order左既：肉類方面我哋就點左嫩牛肉、黑豚腩肉、美國安格斯優質肥牛、紐西蘭精品羊肉卷、曉宇手打三寶丸、豬大腸同埋手打香菜牛肉滑。全部食材都好新鮮、好有咬口，所以我哋食完頭兩份之後就不停追加牛肉等等嘅食材。排骨湯底係真係用拳頭咁大嘅豬骨，深透晒喺湯底入面，令到撈起嘅食材都好有豬骨味。係海鮮方面，我哋order左美國筒肥蠔、手打墨魚滑同埋季節限定嘅鮮活海蟶。果然係季節限定嘅食材，食落去鮮味十足，仲要唔駛等好耐5分鐘就得！所以呢個海蟶係重點推介嘅食材，2月至8月先有得食架！最後我哋order咗一渣洛神花茶，酸酸美味好適合打邊爐之前飲，醒一醒個胃，令到之後更加有食慾，係打緊邊路嘅時候飲仲可以消除一啲來自肉類嘅肥膩感。