Dirty LAUNDRY

營業中

休息中

星期六收到朋友call 話耐冇見，即興想約我收工後飲番杯 cocktail ，傾下計咁話喎。朋友叫到我好少拓手踭嘅。去到朋友公司附近灣仔駱克道逛下，原來都有吾小酒吧，而且不小外國人已經係到 Happy hour 中。忽然見到呢間「Dirty Laundry 」，差啲以為真係一間 Laundry，望真啲入面，原來係間特包酒吧。見佢氣氛幾好，就等埋朋友過嚟一齊就入去坐。酒吧感覺好似進入了古堡一樣。牆身好似打仗打到破爛曬，朋友話呢啲叫「敘利亞式」裝修風格。我其實有少少半信半疑。很快 Bar Tender 便好細心為我們介紹 Drink Menu 。朋友一心想飲 Cocktail ， 但又冇Idea ，於是由 Bar Tender 發板，調製咗杯橙色的特色Cocktail ，朋友話味道帶少少酸及有水菓味道，感覺幾青新。我就偏好啤酒，所以問餐廳有什麼特別啤酒介紹。於是就介紹左青島draft beer。冇錯，真係飲青島draft beer 。原來好少酒吧有青島draft beer，咁就一於試吓啦，味道真係有唔同㗎。