Starry Night (已結業)

我同朋友都係海鮮lover ，對於蠔更係情有獨鍾，知道位於銅鑼灣The Zing!16樓嘅Starry Night ！有得任食生蠔，我地梗係要試吓啦！所以放工即刻約喺時代廣場等，一齊行去餐廳都唔使5分鐘嘅路程。餐廳係樓上鋪，坐lift上16樓，lift 門一開就已經係餐廳，見到有卡位，有吧枱，我地就揀咗吧枱坐。坐低之後，我哋就揀咗120分鐘（ $468 ）嘅任食生蠔餐。$468除咗可以任食生蠔之外，仲可以揀一個主菜（西冷牛扒、紐西蘭羊架、卡邦尼意粉），個主菜仲包埋黑糖麵包、海鮮忌廉湯、煙三文魚，好豐富。我哋揀咗卡邦尼意粉、五成熟西冷牛扒。兩款主菜食落都有驚喜。卡邦尼意粉麵條有香濃蛋味，而且個汁有小小小香辣味道又好creamy ；西冷牛扒肉質鮮嫩多汁，牛味夠濃，牛扒啖啖肉而且冇根。上咗主菜之後，我哋急不及待叫咗一個生蠔拼盤🦪，拼盤裏面包括兩款來自不同地方（法國及日本）嘅生蠔之外，仲有螺同埋凍蝦🦐法國生蠔：蠔味夠濃，肥美多肉，口感結實有彈性👍🏻👍🏻👍🏻👍🏻👍🏻日本生蠔：有淡淡海水味，唔會死鹹，鮮甜👍🏻👍🏻👍🏻👍🏻👍🏻已經諗住下次再幫襯，因為餐廳處理生蠔10分衛生，令我哋好放心食用✨😋