関東酒場 (已結業)

九十分鐘任飲酒既関東酒場，放工chill下，環境好好，好有日本居酒屋感覺，好似日本職人，放工後黎到大吐苦水咁。任飲就唔會有限制，一黎到，天口慶就整番杯先，gur 哂，飲完先再睇下menu。原來佢唔係淨係得酒，仲有好多野食，有串燒、有關東煮、有一鍋鍋既食物、烏冬。仲要有set，所有野都諗得好周到，叫d串燒送酒一流。話明任飲，咁緊係飲多幾款，近排天氣又咁熱，緊係整番杯啤酒啤啤佢，首先第一杯帶咗黑啤，首先佢個杯係雪凍咗嘅，所以啲啤酒都可以keep住好凍，黑啤都幾有麥味，同埋幾易入口，唔係話太苦。好快清晒，之後再叫到杯原味嘅生啤，都係好凍，都係好易入口幾好味。最後想試吓日本風所以叫咗隻清酒，叫左高砂山廢純米辛口，算係靚酒，飲落去好清，好似飲緊米水咁，再飲真啲就feel到有啲清酒味。食物就淨係叫咗個壽喜燒牛肉鍋，有個爐煲住烚吓烚吓都幾好fd，又有熱野食下。總括來講，係一個好舒服嘅地方，可以同同事或者同朋友放工過嚟飲下酒，同時又有嘢食，值得一去。