K-TOWN Bar & Grill (已結業)

堅尼地城西餐廳多的是，今日Lunch便來到滿有木系自然風格的西餐廳K-Town，試下佢地既set lunch 。Set Lunch 價格比中環/金鐘地段抵食，$118起已有，套餐包括餐包，餐湯或一次性自助Salad Bar及主菜一款，另加$15更可以有Cappuccino，Latte 等咖啡飲品，餐廳地方夠大，座位舒適，由於人客不多，實在可以享受一個寧靜既下午。蘑菇湯非常creamy，蘑菇味道夠出夠濃郁。法包上枱微暖，配埋餐湯一齊食非常夾。主菜點了炭燒澳洲肉眼扒配薯條沙律，賣相非常吸引，肉眼扒份量好足好大份，而且夠厚，入口牛肉味濃，咬落去夠腍夠juicy，order medium 完全沒有過老，甚是驚喜。薯條是即炸的，夠熱夠脆，連沙律菜既份量都好多，以呢個套餐價錢來講，如此這般的質量，我完全搵唔到可以挑剔的地方。甜品係細細件嘅意大利芝士餅，味道不錯。最後來了Ice Mochachino 及 Hot Cappuccino ，靜靜地過了一個遊閒既下午。