茶狼 (已結業)

每次返工都會經過茶狼，見到個鋪頭就比佢吸引到。於是，揾日收工就入左試下。我同同事就試左白露苿莉奶蓋茶、烏龍奶蓋茶，同埋烏龍茶芝士蛋糕。 我個人十分推介茉莉奶蓋茶，佢fresh得黎帶點苿莉淡香，再加上奶蓋，就多種層次。我都好中意茉莉陣味，所以為佢加左唔少分。而烏龍奶蓋茶就唔太推介啦，因為烏龍本身有d苦甘味，再配合奶蓋，就有點唔算太match,不過口味既野個個人都唔同既。最後，烏龍茶芝士蛋糕就一定要讚下先啦，本身我又係好中意食芝士cake,但有時怕太流。 但佢加左烏龍茶係面就會覺得好岩岩好，下次經過一定要再食。