The Yell-Owl Seafood And Grill (已結業)

今天有壽星，所以去The Yell-Owl Seafood and Grill吃個靚早餐，祝佢有個美好的開始。 本身覺得All Day Breakfast來來去去都是差不多的食物，但這個 超級貓頭鷹全日餐 超級不簡單。最吸引的是有全隻龍蝦之外，其他食物都不遑多讓。 首先龍蝦蝦肉鮮甜，精華更在於蝦膏部分，吃的時候真係斯文唔到，要落手吃才可以吃得乾淨不浪費。 全日餐仲有脆脆的蟹肉牛油果多士、煙三文魚Egg Benedict同菇味香濃的大啡菇，份量很足，款式又多，一次過滿足了很多願望。 另一份早餐叫了 意大利水牛芝士及西班牙辣肉腸墨西哥饀餅配酸忌廉及牛油果醬(一次過吃了三個國家的食物！)。一上枱最好立即吃，因為趁熱吃時饀餅最脆最好味，放耐了雖然淋了少少，但又是另一個吃法。上次來吃晚餐，今次吃早餐，都很滿足，會繼續支持幫襯。