影片
更多
2021-07-12
7 瀏覽
@上環同朋友敘舊最好就去Cafe，因為可以坐耐啲傾耐啲。上星期我就同朋友去咗呢間位於上環嘅「Bluebird Coffee」，除咗咖啡之外食物種類都好多。呢度有兩層，環境好靚好舒服，坐耐啲都唔怕啦！Smoked Salmon & Avocado Sandwich $78第一個係三文治，煙三文魚同牛油果味道十分之夾。因為醬汁豐富食落個包都唔會好乾，最特別嘅係入邊有啲紅棗，甜甜地都幾特別。Chicken and Kimchi Salad $78呢度有幾款沙律，我就揀咗一款有肉嘅。青瓜車厘茄當然唔少得，估唔到仲有玉子同埋泡菜。雖然冇沙律醬，但係啲菜連埋泡菜食都唔會太寡。Earl Grey Hazelnut Cake $45朋友想試甜品，呢個好甜佢好鍾意。我覺得表面上嘅伯爵茶同中間嘅榛子醬味十分之合適，仲有其他味下次可以試吓。Strawberry Yogurt $28士多啤梨乳酪唔係嗰啲果醬，仲有唔少果肉添！加埋佢配搭果仁食，健康清新好味！Chocolate Danish $22我叫咗個包食，呢個朱古力酥整熱之後好香脆，我中意佢唔係太甜唔錯！
同朋友敘舊最好就去Cafe，因為可以坐耐啲傾耐啲。上星期我就同朋友去咗呢間位於上環嘅「Bluebird Coffee」，除咗咖啡之外食物種類都好多。呢度有兩層，環境好靚好舒服，坐耐啲都唔怕啦！
Smoked Salmon & Avocado Sandwich $78
第一個係三文治，煙三文魚同牛油果味道十分之夾。因為醬汁豐富食落個包都唔會好乾，最特別嘅係入邊有啲紅棗，甜甜地都幾特別。
Chicken and Kimchi Salad $78
呢度有幾款沙律，我就揀咗一款有肉嘅。青瓜車厘茄當然唔少得，估唔到仲有玉子同埋泡菜。雖然冇沙律醬，但係啲菜連埋泡菜食都唔會太寡。
Earl Grey Hazelnut Cake $45
朋友想試甜品，呢個好甜佢好鍾意。我覺得表面上嘅伯爵茶同中間嘅榛子醬味十分之合適，仲有其他味下次可以試吓。
Strawberry Yogurt $28
士多啤梨乳酪唔係嗰啲果醬，仲有唔少果肉添！加埋佢配搭果仁食，健康清新好味！
Chocolate Danish $22
我叫咗個包食，呢個朱古力酥整熱之後好香脆，我中意佢唔係太甜唔錯！
張貼
