影片
更多
2024-04-22
432 瀏覽
今日女朋友帶我嚟食好西，上年情人節佢同男朋友喺呢度食過，今年就帶我嚟試吓。入到嚟我真係比呢度震驚咗，去到門口仲諗緊點解咁神秘要用黑幕遮住個門口。入到嚟好似去咗另一個世界咁，周圍都係水母魚缸。基本上每一張餐枱嘅隔離都好可以有水母嘅陪伴，望住佢哋喺度游下游吓真係好chill好治癒。一坐低職員已經放低咗麵包，麵包配橄欖油黑醋超好食，佢哋啲法式麵包係自家製，中間好軟熟，係幾好食嘅。前菜我哋揀咗鵝肝多士，佢個鵝肝都好厚身，仲有少少分子料理喺面頭。佢嗰啲透明波波，其實係幫你解你嘅調味，食落去酸酸微微，解咗我本身嘅膩。然後我哋叫咗兩個餐湯，佢呢度嘅餐湯簡直係儀式咁滿滿，因為係拎到你面前先至倒落去。女朋友嗰碗係牛肝菌湯，味道比較淡啲。我自己就叫咗龍蝦湯，佢倒嘅時候已經超級香，飲落去仲有幾嚿大大嚿嘅蟹肉，啱晒我呢個海鮮怪。主菜我哋叫咗羊架，佢羊架俾我哋想像中大份，而且真係色香味俱全。切開仲好淋好軟熟啲肉好嫩，最重要係冇乜臊味。佢個薯蓉我都好欣賞，因為做得好幼滑。另一個主菜我哋叫咗安格斯肉眼扒，佢個擺盤都好靚㗎，好多唔同嘅蔬果全部都係比較少見。其中佢有一個炸芋頭片，都幾香，代替咗普遍嘅薯片。牛扒上面仲鋪咗
入到嚟我真係比呢度震驚咗，去到門口仲諗緊點解咁神秘要用黑幕遮住個門口。入到嚟好似去咗另一個世界咁，周圍都係水母魚缸。基本上每一張餐枱嘅隔離都好可以有水母嘅陪伴，望住佢哋喺度游下游吓真係好chill好治癒。
一坐低職員已經放低咗麵包，麵包配橄欖油黑醋超好食，佢哋啲法式麵包係自家製，中間好軟熟，係幾好食嘅。
前菜我哋揀咗鵝肝多士，佢個鵝肝都好厚身，仲有少少分子料理喺面頭。佢嗰啲透明波波，其實係幫你解你嘅調味，食落去酸酸微微，解咗我本身嘅膩。
然後我哋叫咗兩個餐湯，佢呢度嘅餐湯簡直係儀式咁滿滿，因為係拎到你面前先至倒落去。女朋友嗰碗係牛肝菌湯，味道比較淡啲。
我自己就叫咗龍蝦湯，佢倒嘅時候已經超級香，飲落去仲有幾嚿大大嚿嘅蟹肉，啱晒我呢個海鮮怪。
主菜我哋叫咗羊架，佢羊架俾我哋想像中大份，而且真係色香味俱全。
切開仲好淋好軟熟啲肉好嫩，最重要係冇乜臊味。佢個薯蓉我都好欣賞，因為做得好幼滑。
另一個主菜我哋叫咗安格斯肉眼扒，佢個擺盤都好靚㗎，好多唔同嘅蔬果全部都係比較少見。其中佢有一個炸芋頭片，都幾香，代替咗普遍嘅薯片。
牛扒上面仲鋪咗塊芝士，不過呢個芝士嘅味道唔會太濃，我自己覺得幾夾，唔會搶咗牛嘅味道。
個牛扒我哋叫咗五成熟見到啲肉都好粉嫩，好腍，基本上兩款肉我哋都好滿意。
最後我哋叫咗個劇院蛋糕做結尾，呢個蛋糕甜度啱啱好，一半咖啡味一半朱古力味，配合得好中和，係一個完美嘅結局。
呢餐飯無論係環境服務還是食物嘅味道我都覺得好滿意，呢個價錢其實真係物有所值，希望下次有機會帶我自己男朋友嚟啦。
張貼
