Ellipsis Cafe & Lounge

營業中

休息中

餐廳走工業風裝修, 坐喺玻璃窗旁可以望到上環景色, 日落嘅時候仲可以見到夕陽美景, 感覺好chill🌇 一坐低我哋先order兩杯Cocktails 嘆下🍸我叫咗《In Love with Tyson Yoshi — 澎湃激情的鮮果衝激》, 成份有sake、citron、fresh kiwi fruit、apple juice, 酒精濃度唔算高, 飲落有清新奇異果味🥝, 加上清甜蘋果汁, 充滿果香, 容易入口而且好refreshing！另一杯係《King Card — 霸道總裁的溫柔》, 呢款嘅酒精相對濃一點, 入口有清香嘅荔枝味, 後韻有輕微來自薑嘅辣味🫚 🥩威靈頓牛柳配薯菜上枱時已經預先切好一半, 並分開兩隻碟上, 方便二人食用, 相當細心呢💖 酥皮焗至金黃酥鬆, 有牛油香氣, 裏面包裹住肉質細嫩嘅牛柳, 牛柳與酥皮之間有一層特製蘑菇醬, 另外亦伴上薯菜🍝油封鴨髀櫻花蝦蝦子麵呢個有驚喜🤩！油封鴨髀肉質酥軟鮮美, 蝦子麵炒得好香口, 條條分明, 麵質彈牙, 充滿蔥蒜味, 加埋脆脆櫻花蝦, 呢個組合好match！