川粵時光 (已結業)

今日係同事last day，佢就指定左要食川菜。我哋就揀左銅鑼灣嘅川粵時光，貪佢個影夠靚。麻醬生菜。朋友介紹話佢嘅麻醬好出色，一定要試下。聞到有好香嘅麻醬味，入口芝麻味唔突出，但有好重花生味，配埋生菜一齊食可以中和左麻醬嘅膩。酸辣魚皮。呢個做餐前小食一流，魚皮加泡椒，真係好夾。魚皮爽口彈牙，有小小酸酸地辣辣地，好開胃。麻辣小龍蝦。自從疫情無得北上之後就好耐無食過小龍蝦，見到呢到有就要試下啦。小龍蝦隻隻都好大隻飽滿，剝開入面有膏架，啲肉都好彈牙。酸菜魚。酸菜魚好大份，用嘅係比較少見嘅粗寬粉，吸曬湯底嘅酸菜味，好好食。魚肉肉質鮮嫩，切到唔會太簿，啱啱好。香鍋肥腸。肥腸真係好肥好大舊，食落一啲都無腸臭味。仲有蓮藕同椰菜花，都炒到好香口。炒萵筍。紅糖糍粑幼彩荔枝養生花茶個花茶隻色好夢幻好靚，紫色配紅色再加檸檬，影相呃like 一流。