CAMPSITE (K11 ATELIER) (已結業)

星期五想慢慢坐，食得舒服，於是決定去campsite 睇下有無位。初初都擔心要等好耐，結果可能早左少少，即刻有得入，lucky !坐左係近玻璃窗位置，中午陽光射入黎，配上落地玻璃窗加淺色傢私，綠色梳化，好舒服，好chill 。set lunch 選擇唔算多，有極品A5和牛温泉旦丼，鍋煮青口意大利麵，營火牛扒薯條，煎鱸魚香草飯，蟹肉明太子意大利麵同日式香菇意大利麵，我就㨂左蟹肉明太子意大利麵配熱鮮奶咖啡，跟餐配沙律同餐湯，好豐富！餐湯係意大利蕃茄濃湯，好香甜。個主菜蟹肉同明太子份量都唔少，而且好新鮮，每條麵都有明太子，食下食下就食曬，好味道！但又唔會好漏，好好味！另外，位熱鮮奶咖啡都好推介，香滑！整體黎講係值得回味既一餐！