影片
更多
2016-12-06
324 瀏覽
嚟到灣仔新地標，環境好優雅，好似去左外國般既優閒， 特別夜晚有燈飾配襯，好吸引。簡左呢間韓國韓國菜，環境好chill, 適合同朋友晚上傾傾計。入到去裝修好特別，hip得嚟又有d韓feel，好期待同其他韓館有不同，好在無失望，呢度無論環境，服務，同食物都唔錯!韓餐一定有前菜，除左必有既泡菜，仲有蓮藕片同醃青瓜，比較少見!頭盤叫左烤香蒜粒醬油雞翼，$68， 一上檯，醬油香味就撲埋嚟，好香，食落口仲喺脆皮架的確有喜出望外既感覺! 加埋烤蒜粒，整體既配搭幾好。仲有8隻，份量唔細， 大滿足!牛肉炒粉絲，$88，味道唔錯，醬油味香，多配菜，唔膩，有時怕粉絲太韌頂胃， 呢度既粉絲唔硬，濕濕地。傳統石鍋飯，$98，好多配菜，加埋太陽蛋及辣醬，熱辣辣又野味，因全蔬菜，唔膩，加埋辣醬微辣野味同蛋黃既飯，好快就消滅左佢啦！隨石鍋飯送的海帶湯，值得一讚，送飯時有呢個湯，可說是錦上添花，海帶好fresh, 仲有魚仔一齊煲的，好鮮味，唔係一般例湯。最後呢個香蒜粒炆牛肋骨，$198， 有3個辣椒，初時都怕好辣，但牛肋骨係我至愛，點都要食吓! 呢個亦唔係傳統煮法，香辣口味，配栗子、冬菇一齊炆，效果好好，入晒味，牛肋骨
入到去裝修好特別，hip得嚟又有d韓feel，好期待同其他韓館有不同，好在無失望，呢度無論環境，服務，同食物都唔錯!韓餐一定有前菜，除左必有既泡菜，仲有蓮藕片同醃青瓜，比較少見!
前菜
6 瀏覽
0 讚好
0 留言
香烤蒜粒醬油雞翼
$68
10 瀏覽
0 讚好
0 留言
韓式牛肉炒粉絲
$88
4 瀏覽
0 讚好
0 留言
傳統五色石鍋飯2
$98
8 瀏覽
0 讚好
0 留言
最後呢個香蒜粒炆牛肋骨，$198， 有3個辣椒，初時都怕好辣，但牛肋骨係我至愛，點都要食吓! 呢個亦唔係傳統煮法，香辣口味，配栗子、冬菇一齊炆，效果好好，入晒味，牛肋骨肉鬆軟無比，炆到霖晒， 肉質好好，有少許筋連肉，又厚切，口感一流，肉味香濃，好有牛肋骨既獨特香味同口感。辛辣度亦是我可接受到的。
大邱香辣蒜粒炆牛仔骨
$198
14 瀏覽
0 讚好
0 留言
整體來說，都係韓國菜既好新體驗，重新演繹傳統韓國菜，帶嚟新鮮感得嚟又好味。配合埋環境，係我其中一個新"韓"點!
張貼
