Catee (已結業)

今日想食西餐，見到呢間裝修幾得意，用貓做主題，又幾有feel就入左去。見到佢有個精選晚餐，選擇都幾多，又好似幾抵食咁，有包前菜、餐湯飲品同埋甜品。所以就同朋友冇人嗌左一set黎試下。前菜有提供包，黑色應該係竹炭味，而且可以倒入黑醋同埋橄欖油沾住嚟食，幾開胃。之後仲有餐湯，幾鍾意呢個湯因為佢唔算好濃味冇咁鹹！前菜來講都幾豐富，仲有個沙律添！西班牙海鮮炒飯好足料，有青口、蝦、蜆肉，飯入邊仲撈左八爪魚，辣肉腸！飯質濕潤，仲有啲紅、黃椒，幾香！烤美國安格斯牛板胛叫左五成熟，食落幾嫩，個醬汁幾好味，配菜仲有薯仔、秋葵等等。呢度嘢飲估唔到仲有台式嘢飲，有幾特別，叫咗杯熱情果乳酪同埋伯爵奶茶拿鐵都唔錯，又夠大杯。最後仲有蛋糕作結，係士多啤梨味海棉蛋糕，唔知係咪每日嘅甜品都唔同呢？