INTIME (已結業)

餐廳位於中環閣麟街，門口對住一大幅壁畫，坐係入面嘆住野飲野食望出去零舍有feel🙈香煎西班牙栗餇黑毛豬扒配焦糖蘋果香草燒汁薯蓉及沙律呢個係超人氣嘅main course！黑毛豬扒生熟啱啱好，加上肥瘦適中，所以食落啲肉都好鬆軟！如果覺得太膩仲可以夾埋個焦糖蘋果一齊食！甜甜地酸酸地可以減少啲油膩感焗香草走地雞半份配香草燒汁薯條及沙律呢個我個人十分推薦！走地雞係叫嘅時候先開始燒，所以上到枱仲係勁熱個皮又脆，雖然個人覺得原本調味都已經好夠，但都可以點下香草燒汁，有另一番風味~Intime Affogato配Movenpick香草雪糕天氣熱辣辣一定環食啲凍野消下暑，我地揀抹茶味，抹茶味好出，原本叫咗個抹茶Latte，但想講呢個醬個味仲濃過杯野飲，抹茶控呢個必叫！Matcha Latte & 夏日橙香西柚綠妍兩杯野飲都唔會好甜，好啱我口味，綠研係用四季春去沖，有淡淡茶香，十分消暑！