影片
更多
2023-12-16
25 瀏覽
早前嚟 MONTEREY Place 飲茶，已經留意到地下有間裝潢別緻，充滿異國情調嘅餐廳，趁週末有空，即刻約個 friend 過嚟吃頓下午茶。餐廳主打東南亞菜，環境佈置得好心思，具亞熱帶風情，門外設有露天座位，園林風再配上海景，好似去咗度假一樣！點咗個二人 High Tea Set ($268)，擺盤非常精美，內有泰式柚子鮮蝦沙律、泰式蝦餅、素咖喱角、牛油雞咖喱、串燒雞肉沙嗲、香茅炸雞翼、烤印度芝士、芒果糯米飯及烤餅，款款都好吸引。清甜柚子加上鮮蝦和酸汁，開胃又美味。蝦餅彈牙，炸漿薄身。薯蓉咖喱角外脆內軟，香口又唔油膩。牛油雞以大量香料及印度牛油醃製，雞肉嫩滑，香濃惹味。雞串燒啖啖肉，配上沙嗲醬，刺激味蕾。雞翼大隻又有肉地，香茅味恰到好處。印度芝士綿滑細膩，入口奶味好濃郁。烤餅大大塊，質感煙韌，入口外酥內軟，用嚟點咖喱汁或醬汁食都一樣咁正。芒果甜而不膩，糯米飯由紫糯米和白糯米組成，入口軟熟帶椰香，用嚟做甜品一流！另外仲點咗印尼炒飯 ($128) 同 泰式椰菜苗 ($108)，炒飯用料好豐富，有大蝦、雞肉串、青瓜、米餅和煎蛋，米飯粒粒分明，色香味俱全。椰菜苗嫩綠，炒得好有鑊氣。隨餐附送
早前嚟 MONTEREY Place 飲茶，已經留意到地下有間裝潢別緻，充滿異國情調嘅餐廳，趁週末有空，即刻約個 friend 過嚟吃頓下午茶。
餐廳主打東南亞菜，環境佈置得好心思，具亞熱帶風情，門外設有露天座位，園林風再配上海景，好似去咗度假一樣！
點咗個二人 High Tea Set ($268)，擺盤非常精美，內有泰式柚子鮮蝦沙律、泰式蝦餅、素咖喱角、牛油雞咖喱、串燒雞肉沙嗲、香茅炸雞翼、烤印度芝士、芒果糯米飯及烤餅，款款都好吸引。
清甜柚子加上鮮蝦和酸汁，開胃又美味。蝦餅彈牙，炸漿薄身。薯蓉咖喱角外脆內軟，香口又唔油膩。牛油雞以大量香料及印度牛油醃製，雞肉嫩滑，香濃惹味。
雞串燒啖啖肉，配上沙嗲醬，刺激味蕾。雞翼大隻又有肉地，香茅味恰到好處。印度芝士綿滑細膩，入口奶味好濃郁。
烤餅大大塊，質感煙韌，入口外酥內軟，用嚟點咖喱汁或醬汁食都一樣咁正。芒果甜而不膩，糯米飯由紫糯米和白糯米組成，入口軟熟帶椰香，用嚟做甜品一流！
另外仲點咗印尼炒飯 ($128) 同 泰式椰菜苗 ($108)，炒飯用料好豐富，有大蝦、雞肉串、青瓜、米餅和煎蛋，米飯粒粒分明，色香味俱全。椰菜苗嫩綠，炒得好有鑊氣。
隨餐附送茶飲或咖啡，我哋點咗檸檬香茅茶同泰式奶茶，再以一客芋頭雪糕 ($58) 作結，雪糕真材實料，內有香芋粒粒，加上椰絲作點綴，好睇又好食。
張貼
