影片
更多
2022-04-28
63 瀏覽
🚴早前已經到訪過觀塘分店數次，小編尤其喜歡經典甜辣炸雞。甜甜辣辣咁樣半夜食勁過癮～今次同朋友喺大圍出發踩單車到大埔，途經科學園再見Chimac，立即入去補充能量及脂肪～🍗炸雞有七款口味可以選擇，我哋揀咗半半口味炸雞，即係全隻炸雞但可以揀兩種口味。咁樣既可以試多種口味，又冇咁容易膩～（$143）- 🌶經典甜辣炸雞：主要係甜味，辣味基本上缺席，但係唔食得辣嘅朋友仔都應該輕易食得到～雖然醬汁味道同觀塘嗰間都幾大分別，但有別有一番風味，偏向甜酸汁醬幾惹味，有啲似甜味版本咕嚕肉汁醬。雞件即叫即炸，上枱熱辣辣，外皮掛汁但都仲好香脆。雞肉多汁鮮嫩～- 🍯蜂蜜焦糖炸雞：入口好大陣牛油蜂蜜香，雞皮炸得好乾身，香脆而毫不油膩！加上有蜂蜜焦糖嘅加乘，鹹鹹甜甜好過癮。同樣都係即叫即製，雞肉嫩滑，雞皮真係好香好脆好好食～🍢魚糕串（+$20）：其他Foodie嘅魚糕串波浪形串得勁靚，小編呢一份應該係⋯懶洋洋版本醬油魚糕串。🫕芝士排骨鍋（$318）：讀者們都知道小編係肉食動物，見到呢一份排骨鍋當然不能放過啦～侍應會於芝士溶化之後，幫忙將中間嘅大大件排剪展開，再平均將芝士裹住排骨。排骨帶蕃茄甜味，煮得好軟熟，輕輕一咬
🍗炸雞有七款口味可以選擇，我哋揀咗半半口味炸雞，即係全隻炸雞但可以揀兩種口味。咁樣既可以試多種口味，又冇咁容易膩～（$143）
- 🌶經典甜辣炸雞：主要係甜味，辣味基本上缺席，但係唔食得辣嘅朋友仔都應該輕易食得到～雖然醬汁味道同觀塘嗰間都幾大分別，但有別有一番風味，偏向甜酸汁醬幾惹味，有啲似甜味版本咕嚕肉汁醬。雞件即叫即炸，上枱熱辣辣，外皮掛汁但都仲好香脆。雞肉多汁鮮嫩～
- 🍯蜂蜜焦糖炸雞：入口好大陣牛油蜂蜜香，雞皮炸得好乾身，香脆而毫不油膩！加上有蜂蜜焦糖嘅加乘，鹹鹹甜甜好過癮。同樣都係即叫即製，雞肉嫩滑，雞皮真係好香好脆好好食～
🍢魚糕串（+$20）：其他Foodie嘅魚糕串波浪形串得勁靚，小編呢一份應該係⋯懶洋洋版本醬油魚糕串。
🫕芝士排骨鍋（$318）：讀者們都知道小編係肉食動物，見到呢一份排骨鍋當然不能放過啦～侍應會於芝士溶化之後，幫忙將中間嘅大大件排剪展開，再平均將芝士裹住排骨。排骨帶蕃茄甜味，煮得好軟熟，輕輕一咬便離骨。
- 🧀而鍋邊有數款韓式小食，包括：三件炸雞腿肉、三件紫菜粉絲卷、三件韓式餃子、紫菜飯、粟米芝士，以及韓式泡菜。原味炸雞腿肉一樣鮮嫩多汁。將紫菜飯拌於芝士鍋中，成件事好邪惡但係極滋味！
🥤罐裝汽水（$12）：小編同朋友都唔飲酒，所以揀咗汽水。餐廳一共有四款汽水選擇，分別係可樂、韓國檸七、忌廉鮮奶，同埋蘆薈樂。即係大家平日喺便利店超級市場見到嘅罐裝飲品，一模一樣。
☺️整體而言：
1. 餐廳座位舒適寬闊，可以安坐享受食物。枱與枱之間保持一定距離，感覺良好。
2. 侍應服務快，細心且有禮！主動協助單車收納，適當時添水。對於查詢都好有耐性咁解答。
3. 小編應為呢間餐廳最好食嘅都係炸雞，新鮮製作！炸雞有一定水準。
CHIMAC
電話: 35656068
地址：沙田科技大道西5號白石角香港科學園一期企業廣場地下S017號舖
#香港食好西 #科學園 #炸雞 #韓國菜 #香港 #野生代言人
張貼
