Shore Steak (已結業)

與舊同事飯聚，舊同事在app搜尋到呢間嘢有六折，望落幾抵食，就去試下堅唔堅。叫咗dinner set .前菜:份量非常少，用一瓷羮盛著一細塊麵包，上面應該係鵝肝醬配一粒類似橙乾嘅乾果，從見過這樣嘅配撘，望落有啲怪，但食落口完全唔同感覺，乾果與鵝肝醬味道好夾，乾果中和了醬嘅肥膩感，好好食。跟住同朋友分享兩個頭盤，第一個八爪魚配呑拿魚，呢個冇乜特別。第二個係青口，要左cream sources，呢個就唔同，鍾意食cream嘅朋友一定喜歡，個cream 唔會好漏，好香，仲要配埋麵包一齊上，可點嚟食，好正！主菜：燒羊仔肉，要咗medium，賣相已經冇得頂，個汁甜甜地，同南瓜汁好夾。羊仔肉有少少穌（個人認為食羊冇穌味不如唔好食），medium啱啱好，夠淋，底下有啲蔬菜，另人覺得冇咁膩。呢間嘢平日晚上冇乜食客，又提供discount，又有outdoor seating ，冇限用餐時間，非常適合一大班朋友聚會。